Sullissineq
Qanoq ikiorsinnaavatsigit?
Angallassinermut paasissutissat
Sila, aqqusinermi sulinerit allallu ilaatigut bussini angalaarnigut unitsikkallarsinnaasarpaat.
Uani atuarukBussinut qimataqarsimavit?
Allaffimmi bussinut qimatat ullut 14-it uninngateqqaartarpagut politiinut tunniukkiartortinnagit.
Uani atuarukAngallassinerit
Aallarfiit, angallassinerit bussillu toqqaannartumik nunap assingani.
Angallassinerit takukkitNersualaarutit maalaarutillu
Pisimasumik aaliangersimasumik apuusserusukkuit, angallaviup normua, piffissaq sumiillu allakkit.
AllaffigitigutAngallassinermut paasissutissat
Sila, aqqusinermi suliaqarnerit allallu ilaatigut bussini angalaarnigut unitsikkallarsinnaasarpaat kinguaattoortillutaluunniit. Bussit angalanerat bussinut ataatsinut arlalinnut tamanulluunniit unitsikkallarneqassagaluarpat Facebook-imi quppernitsinni siammartertarparput.
Paasissutissiineq
- Rute 1-imi bussit unttarfiat nutaaq Uani atuaruk PDF (quppernermi nutaami ammarpoq)
- Atuartunut buskort pillugu Uani atuaruk PDF (quppernermi nutaami ammarpoq)
Paasissutissat ukua ilanngukkit
Saaffiginnissutinni paasissutissat amerlanerpaat ilanngunnissaat eqqaamalaassavat taamaasilluta sukkanerpaamik ikiuinissatsinnut paasissutissat atorfissaqartitagut pissavagut.
Suna qimataava?
Nassuiaat, qalipaat, suussusia il.il.
Qanga?
Qaqugu bussimi angalavit?
Rute sorlermi, bussi normu qassimut?
Rute sorlermi angalavit?
Attavissatit
Oqarasuaatip normua e-maililuunniit.
Allaffimmi bussinut qimatat ullut 14-it uninngateqqaartarpagut politiinut tunniukkiartortinnagit.
Atuartut atuartunullu korti
Nuup Bussii A/S aammalu Kommuneqarfik Sermersooq meeqqat atuarfianni atuartut pillugit kiffartuussinissamut isumaqatigiissuteqarput, meeqqat atuarfianni atuartunut friskolemilu atuartunuttaaq atuuttumik.
Ukioq atuarfiusoq 2026/27 Aggustip 17-iani 2026 aallartissaaq Juunillu 18-iani 2027 tungaanut sivisussuseqarluni.
1.–7. klassemi atuartut
Atuartut nukarliit kortimik takutitsinatik akeqanngitsumik ilaasinnaapput.
8. 9. aamma 10. klassemi atuartut
Korti tungujortoq nammineq pigineqartunngortinneqassaaq atitalerlugu. Korti piginnittuinnarmut sukannerluinnartumik atuutsinneqarpoq, ikinermilu elektroniskimik scannerneqartussaalluni. Kortit allaffitsinni kisimi sananeqartarput. Nuup Bussii A/S Nuummi atuarfiit aturtut augustimi allattorsimaffii tunngavigalugit atuartunut buskorita tunniunneqartarput. Atuartunut korti ullut tamaasa nal. 06:00–00:07 atorneqarsinnaavoq.
-
Akeqanngitsumik busserneq atuartut meeqqat atuarfianni naammassinninneranni unitsinneqassaaq. Buskortip atuuffia ullulerneqartarpoq meeqqat atuarfiat naammassineqarneranut naapertuuttumik – naak atuartoq suli 16-inik ukioqalinngikkaluartoq.
-
Nalunngilarput atuartut 7. klassimiittut suli buskortimik tigusaqarsimanngitsut, klassit allattorsimaffii aatsaat atuarfiup aallarteqqinnerani aggustimi tunniunneqartarmata. Taamaattumik bussini ingerlatsisut ilisimatinneqassapput atuartut taakku buskorteqanngikkaluarlutik angallanneqarnissamut itigartitsiffigineqassanngitsut.
-
Siusinnerusukkut pisarnertut bussini ingerlatsisut atuartunut meeqqat atuarfianni naammassereersimasunut buskortinik arsaarinnissinnaasarsimapput. Tamanna unitsinneqassaaq, buskortit inunnut ataasiakkaanut attuumassuteqartuummata taamaattumillu arsaarinnissutigineqarsinnaanatik, naak atuuttutut atorneqarsinnaajunnaaraluarpataluunniit.
-
Atuartoq meeqqat atuarfiat naammassereerlugu ilinniakkamik aallartitsippat ilinniatut allagartaannik (studiekort) atuuttumik takutitsisinnaagunik, Nuup Bussii inummut ataatsimut atuuttussamik assitalimmik buskortimik tunisisinnaavoq, taakkulu bilitsinik 50 %-imik akikillillugit pisisinnaatitaapput.
Ilinniartunut akikilliliineq
Siunnersuutit
Ilaatigut bussini ulapiffeqartaqaaq, taamaammat siunnersuutinik tamanit atorluarneqarsinnaasunik saqqummiivugut.
Akiliutissat naammaqqissaartut piareersimatikkit
Aningaasat ilivitsut angisuut aquttup itigartissinnaavai. Bilitsi ataaseq kr. 20-iuvoq.
Kortit scan-eruk
Kortit tamarmik elektroniskimik scan-erneqartassapput.
Bussini ilorparterit
Ilaasunut nutaanut inissaqartitsiniarlutit bussip tunuanut ingerlagit.
Pooqattat nammannagu, løbehjulilu peqitillugu
Taamaasilluni ilaasunut allanut inissaqarnerulissaaq.
Titarnerup sungaartup tunuani nikorfassaatit
Isumannaatsuunissat pillugu bussip ingerlanerani titarnerup tunuaniittuaannassaatit.
Ilaasut allat eqqarsaatigalugit tipigissaatit kingunerutillu atorneri eqqarsaatigikkit
Tipit ilaasunut allanut akornutaasinnaapput.
Nalorniguit aperiinnassaatit
Chauffeurit ikiorusuttuaannarput.
Ilitsersuut – meeqqanut ingerlassinermut atortut
Barnevognit, klapvognit, joggerit issiavillu kaassuartakkat bussimi imannak inissaqartinneqartarput.
- Barnevognit klapvognillu, taakkununngalu ilanngullugu løbevognit joggerillu meeqqanut ingerlassinermut atorneqartut akeqanngitsumik ilaatinneqarsinnaapput, bussini inissaqarallartillugu.
- Amerlanerpaamilli bussini marlukkaarsinnaapput. Marlukkaarsinnaasuni ukua pineqarput: issiavik kaassuartagaq, pisuut, barnevogni, klapvogni joggererluunnit.
- Ilaasoq bussinut siulliulluni ikeqqaartoq salliunneqarsinnaatitaavoq ilaasunut allanut naleqqiullugu.
- Sillimaniarnerli salliutinneqartuassaaq. Ilaasut tamarmik akornuteqanngitsumik bussini siumut utimullu nikerarsinnaassapput, akornuteqanngitsumillu bussit tunuatigut niusinnaassallutik.
- Aneerussiviit nassarneqarsinnaapput, tamanna ilaasunut akornutaanngitsutut aquttup naliliiffigippagu.
- Aneerussiviit nassatarisat akeqanngitsumik ilanngunneqarsinnaapput, inersimasulli aneerussivimmik nassartut suli billetsiminnut akiliissapput.
Malittarisassat
Nuup Bussii-kkut angallannermi malittarisassat pingaarnerit.
- Akiliisarnermut tunngasut
-
Bussini aningaasanik kisimik akiliisoqarsinnaavoq, sapinngisaq malillugu aningaasanik naammattunik. Aningaasat ilivitsut angisuut (500 koruunit) aquttup itigartissinnaavai.
- Bilitsit
-
Bilitsi nalunaaquttap akunneranut ataatsimut atuuppoq. Bilitsit toqqorlugu piumaneqaruit takutiguk: bilitsinik misissuisoqarsinnaavoq siumoortumik nalunaaruteqartoqaratik.
- Akeqanngitsumik busserneq
-
Meeqqat atuarfimmut suli aallartinngitsut kiisalu meeqqat atuarfianni friskolemilu atuartut Kommuneqarfik Sermersuumi najugallit akeqanngitsumik bussersinnaapput. Atuartut 8.–10. klassemiittut buskortimik inummut ataatsimut atuuttumik peqassapput bussimilu scannertassallugu. Akeqanngitsumik busserneq atuartup meeqqat atuarfia naammassigaangagu unitsinneqassaaq, naak atuartoq suli 16-inik ukioqalinngikkaluartoq. Pensionisiallit Kommuneqarfik Sermersuumi najugallit, tassani siusinaartumik soraarnerussutisiallit atorfilittullu soraarnerussutisiallit, utoqqalinersiutilinnut kortertik takutikkaangassuk akeqanngitsumik bussersinnaapput.
- Aneerussiviit issiavillu kaassuartakkat
-
Bussimi ataatsimi amerlanerpaamik marlukkaarsinnaapput: issiavik kaassuartagaq, pisuut, barnevogni, klapvogni joggerilu ataatsitut naatsorsorneqartarput.
Uani atuaruk - Inerteqqutaapput
-
Uumasuutit, sikkilit, pujortarneq e-cigaret-ilu, sikut, nerisassat, imeruersaatit imigassallu, aallaasit kiisalu ippassutigisinnaasat allatulluunniit akornusiisinnaasut (benzinat, uuliat assigisaallu).
- Kurebrædtit, løbehjulit rulleskøjtillu
-
Kurebrædtit inersimasunit meeqqanik minnernik ingerlaqateqarnerminni atugaat nassarneqarsinnaapput, tamanna ilaasunut allanut akornutaanngippat. Rulleskøjtit isikkatigut atorneqanngikkunik nassarneqarsinnaapput.
- Kortinik atornerluineq
-
Kortinik elektroniskiusunik atornerluisoqartillugu pillaammik akiliisitsisoqartassaaq, aammalu bussimut ilaanermut bilitsimut akiliisitsisoqartassalluni. Pillaammik akiliinissaq akuerineqanngippat, aquttoq ilaanissamut itigartitsissaaq. Atornerluisoqaqattaartillugu sivikinnerpaamik qaammammi ataatsimi ilaaqqusaajunaarsitsisoqarsinnaavoq. Korti arsaarinnissutigineqarsimasoq 50 kr.-nik akilerlugu tigoqqinneqarsinnaavoq.
- Unittarfiit
-
Taamaallaat unittarfinni taamatut aaqqitani ikisoqartassaaq niusoqartassallunilu.
- Inuit aalakoortut
-
Aquttoq pisinnaatitaavoq inuit aquttumut aamma/imaluunniit ilaasunut allanut akornusersuippata bussinut ikinissamut itigartissallugit/bussiniit niutissallugit.
- Akiliutit utertinneqarnerat
-
Angalanerit taamaatinneqarnerini allanngortinneqarnerinilu, imaluunniit bilitsit bilitsilerissutinit akuerineqanngitsut pillugit akiliutit utertinneqarneq ajorput.
Akissuteqarsinnaanngippat?
Attavigitigut allaffiup ammasarfiani: ataas–tal nal. 10:00–12:00 aamma nal. 13:00–15:30.