Atuartunut buskort pillugu

Nuup Bussii A/S Kommuneqarfik Sermersooq isumaqatigiissuteqarfigaa meeqqat atuarfiani atuartunut akeqanngitsumik bussiussisarnermik.

Isumaqatigiissut manna ukiuni arlalinni atuutereerpoq. Misilittakkat takutippaat atuartut klassini nukarlerpaaniittut annertuumik buskortertik annaasaraat imaluunniit eqqaamanngitsoortaraat. Taamaattumik aalajangiunneqarpoq atuartut 1.-7. klassemiittut buskorteqassanngitsut. Atuartut 8. klassemiit qummut buskortimik atuuttumik peqarnissaat piumasaqaataavoq.

Buskortit atuarfinniit klassit allattorsimaffii tunngavigalugit tunniunneqartarput. Aaqqissuussineq manna bussini ingerlatsisut ajornartorsiortissinnaavai, tassami atuartut 7. klassimiittut aamma 8. klassimiittut immikkoortinniarnerat ajornarsinnaasarmat.

Akeqanngitsumik busserneq atuartut meeqqat atuarfianni naammassinninneranni unitsinneqassaaq. Buskortip atuuffia ullulerneqartarpoq meeqqat atuarfiat naammassineqarneranut naapertuuttumik – naak atuartoq suli 16-inik ukioqalinngikkaluartoq.

Atuartoq meeqqat atuarfiat naammassereerlugu ilinniakkamik aallartitsippat ilinniatut allagartaannik (studiekort) atuuttumik takutitsisinnaagunik, Nuup Bussii inummut ataatsimut atuuttussamik assitalimmik buskortimik tunisisinnaavoq, taakkulu bilitsinik 50 %-imik akikillillugit pisisinnaatitaapput.

Nuup Bussii aalajangersimasumik akeqanngitsumik angallassinermik ataatsimut neqerooruteqanngilaq, kisianni isumaqatigiissut naapertorlugu kommunemit aningaasalerneqartumik taamaallaat akeqanngitsumik bussernermik neqerooruteqartarpoq.

Nalunngilarput atuartut 7. klassimiittut suli buskortimik tigusaqarsimanngitsut, klassit allattorsimaffii aatsaat atuarfiup aallarteqqinnerani aggustimi tunniunneqartarmata. Taamaattumik bussini ingerlatsisut ilisimatinneqassapput atuartut taakku buskorteqanngikkaluarlutik angallanneqarnissamut itigartitsiffigineqassanngitsut.

Siusinnerusukkut pisarnertut bussini ingerlatsisut atuartunut meeqqat atuarfianni naammassereersimasunut buskortinik arsaarinnissinnaasarsimapput. Tamanna unitsinneqassaaq, buskortit inunnut ataasiakkaanut attuumassuteqartuummata taamaattumillu arsaarinnissutigineqarsinnaanatik, naak atuuttutut atorneqarsinnaajunnaaraluarpataluunniit.