Bilitsi
kr. 20
Akunneq ataatsimik atuuffeqarpoq
- Tuniniaasutsinni nittartakkakkulluunniit pisiarineqarsinnaanngillat
- Bussini aningaasanik akiliilluni pisiarineqarsinnaavoq
- Atorunnaarfissaa bilitsimi naqinneqartarpoq
- Ilinniartut: kr. 10
Bilitsit kortillu
Akit, akeqanngitsumik bussersinnaaneq akikilliliinerlu, bilitsit kortillu assigiinngitsut, sumilu pisiarineqarsinnaanersut immersorneqarsinnaanersullu.
Klippekorti
kr. 175
Angalanernut 10-nut
- Killuineq ataaseq akunneq ataatsimik atuuffeqarpoq
- Avitseqatigiissutigineqarsinnaavoq – inummut killortagaq ataaseq
- Bussini, tuniniaasutsinni, nittartakkakkut allaffitsinnilu immersorneqarsinnaavoq
- Ilinniartut: kr. 87,50
Qaammammut korti
kr. 605
Ullut 30-it
- Ulluni 30-ni killilersugaanngitsumik angalaneq
- Korti nammineq pigisaq assitalik
- Tuniniaasutsinni, nittartakkakkut allaffitsinnilu immersorneqarsinnaavoq
- Ilinniartut: kr. 302,50
Akit 1. februar 2026-miit atuupput
Tusagassiorfinnut nalunaarut akit 2026 pillugit (PDF) (quppernermi nutaami ammarpoq)Akeqanngitsoq akikilliliinerlu
Meeqqat atuarfimmut suli aallartinngitsut kiisalu meeqqat atuarfianni friskolemilu atuartut Kommuneqarfik Sermersuumi najugallit akeqanngitsumik bussersinnaapput. Atuartut 8.–10. klassemiittut buskortimik inummut ataatsimut atuuttumik peqassapput bussimilu scannertassallugu. Akeqanngitsumik busserneq atuartup meeqqat atuarfia naammassigaangagu unitsinneqassaaq, naak atuartoq suli 16-inik ukioqalinngikkaluartoq. Pensionisiallit Kommuneqarfik Sermersuumi najugallit, tassani siusinaartumik soraarnerussutisiallit atorfilittullu soraarnerussutisiallit, utoqqalinersiutilinnut kortertik takutikkaangassuk akeqanngitsumik bussersinnaapput.
Pensionisiallit
Pensionisiallit – siusinaartumik soraarnerussutisiallit atorfilittullu soraarnerussutisiallit ilanngullugit akeqanngitsumik bussersinnaapput. Pensionisialinnut kortitik takutiinnartassavaat.
Utoqqalinersiutilinnut korti Nuup Bussii A/S-ip allaffiani sananeqartarpoq, allaffimmilu assiliisoqartarpoq. Soraarnerussutisiaqartuunerit kommunimilu aalajangersimasumik najugaqartuunerit uppernarsarniarlugu Kommuneqarfik Sermersuumiit soraarnerussutisiaqarnermut uppernarsaatit uppernarsaalluunniit alla nassarnissaa eqqaamallugu. Soraarnerussutisiaqalersunut plastikkortimik anillatsitsineq akeqanngilaq. Korti annaasimallugu taarsertinniaraanni kr. 50-nik akeqarpoq.
Akeqanngitsumik aaqqiissut Kommuneqarfik Sermersuumi soraarnerussutisialinnut bussinut soraarnerussutisiaqarnermut kortimik tunisissimasunut atuuppoq. Soraarnerussutisiallit kommuninit allanit akiliillutik bussertassapput.
Ilinniartunut akikilliliineq
Januarip aallaqqaataaniit 2025 ilinniartunut bussini bilitsinik pisinermi 50%-mik akikilliliivigineqalerput.
Akikilliliineq bussini bilitsisinermi, ilanngartakkanut kiisalu qaammammut kortimut aamma atuuppoq.
Ilinniartunut akikilliliineq ilanngartakkanut qaammammullu kortimut atuutilersinnaanissaanut bussinut korti bussit allaffianni nalunaarsorneqaqqaassaaq.
Atuartoq meeqqat atuarfiat naammassereerlugu ilinniakkamik aallartitsippat ilinniatut allagartaannik (studiekort) atuuttumik takutitsisinnaagunik, Nuup Bussii inummut ataatsimut atuuttussamik assitalimmik buskortimik tunisisinnaavoq.
Bilitsit assigiinngitsut
Bilitsi
Bilitsit bussini aningaasanik (kortimiunngitsoq) akiliilluni pisiarineqarsinnaapput. Bilitsit tuniniaasutsinni, nittartakkakkut allaffitsinnilunniit pisiarineqarsinnaanngillat.
Bilitsi akunneq ataatsimik atuuffeqarpoq piffissarlu atorunnaarunnaarfissaq bilitsimi naqinneqarluni sananeqartarpoq.
Bilitsit ataasiakkaat
Bilitsit ataasiakkaat tuniniaasutsinni nittartakkakkullu plastkortinnut pisiarineqarsinnaapput. Bilitsi ataasiakkaartoq bussini kortip scannereerneranit akunneq ataaseq atuuffeqarpoq.
Plastkortinni arlalinnik tunisassiaateqaruit, assersuutigalugu klippekorteqarpat, korti scannertinnagu aquttoq nalunaarfigiuk sorleq atorusunnerlugu.
Bilitsi ataasiakkaartoq allanut akiliutigissallugu atorneqarsinnaanngilaq.
Klippekorti
Plastkorti klippekortimik immersorneqarsinnaavoq angalanernullu 10-nut atuuttussanngorlugu sananeqartarluni.
Killuineq ataaseq akunneq ataatsimik atuuffeqarpoq, bussinilu scan-erinermi piffissaq atorunnaarfissaa kiisalu killuinerit qassit sinnerunnersut takuneqarsinnaallutik.
Inuit arlaliullutik ilaaqatigiittut kortinik ilanngartortakkanik atuisinnaapput, kortimi ataatsimi inuk ataaseq ataatsimik ilanngaataasarluni. Inuit arlallit scanneri aqqusaarpassuk tamanna chaufførimut nalunaarutigineqassaaq.
Qaammammut korti
Plastkorti qaammammut kortimik immersorneqarsinnaavoq. Qaammammut korti ullunik 30-nik atuuffeqarpoq, bussinilu scan-erinermi ulloq atorunnaarfissaq takuneqarsinnaalluni.
Qaammammut korti piginnittumut kisimi atuuppoq bussinullu ikinermi scan-nerneqassalluni/takutinneqassalluni. Qaammammut korti Nuummi illoqarfiup bussiinut killilersugaanngitsumik angalassutigineqarsinnaavoq.
Qaammammut kortiuteqanngikkuit siullermeerlutit bussini atorukku atuutilissaaq. Qaammammut kortiuteqareeruit atorunnaarpat nutaaq pisiareqqammikkat atuutilerumaarpoq.
Bilitsit kortillu ilaanerup nalaani paarineqassapput, takujumaneqarpatalu takutinneqassallutik.
Angallassinermut malittarisassagut atuarsinnaavatitPlastkorti
Plastkorti klippekortinut qaammammullu kortinut atugassiaavoq.
Plastkorti klippekortinut atugassiaq tuniniaasutsinni pisiarineqarsinnaavoq.
Plastkorti qaammammut kortimut atugassiaq allaffitsinni siullermeerluni sananeqassaaq assitalerlugu suliarineqassagami.
Sullitagut tamaasa innersuuppagut plastkortertik nittartakkakkut nalunaarsoqqullugit.
- Plastkortip akia
- kr. 50
- Soraarnerussutisiaqalersunut plastikkortimik anillatsitsineq akeqanngilaq.
Kortit assigiinngitsut
Korti sungaartoq
Korti: ilanngartakkatut, qaammammut kortitut aammalu kortimi ataatsimi ilanngartakkatut qaammammut kortitut immerlugu atorneqarsinnaavoq.
Korti killortakkatut atorneqaruni assitaqartariaqanngilaq.
Korti qaammammut kortitut atorneqaruni nammineq pigineqartunngortinneqassaaq assitalerlugulu atilerlugu, tamanna allaffitsinni suliarineqartarpoq.
Kortit annaassagaluarukku taarserneqarsinnaavoq imarisai ilanngullugit kortimut nutaamut nuunneqarsinnaammata, taamaaliortoqassappalli kortip normui ilisimasariaqarpatit (kortimi normut kisitsisit 11-iupput).
Korti tungujortoq
Korti tungujortoq meeqqat atuarfianni 8. 9. aamma 10. klasse-ni atuartunit atorneqarsinnaavoq.
Korti tungujortoq nammineq pigineqartunngortinneqassaaq assitalerlugu atitalerlugulu. Kortit allaffitsinni kisimi sananeqartarput.
Korti atuartup meeqqat atuarfianni naammassinninnissaata tungaanut atuuppoq, bussinilu ingerlatsisut arsaarinnissutigisinnaanngilaat.
Korti tungujortoq killortakkamik ilaneqarsinnaavoq. Tamanna nittartakkakkut tuniniaasutsinniluunniit pisinnaavoq.
Sumi pisisinnaavit?
Sumi suut pisiarisinnaanerlugit immersinnaanerlugilluunniit takuuk.
-
Bilitsi
- Bussini
- Aap
- Tuniniaasutsinni
- Naamik
- Nittartakkakkut
- Naamik
- Allaffitsinni
- Naamik
-
Bilitsi ataasiakkaaq kortimut
- Bussini
- Naamik
- Tuniniaasutsinni
- Aap
- Nittartakkakkut
- Aap
- Allaffitsinni
- Naamik
-
Klippekorti nutaaq
- Bussini
- Naamik
- Tuniniaasutsinni
- Aap
- Nittartakkakkut
- Naamik
- Allaffitsinni
- Aap
-
Klippekortip immeqqinnera
- Bussini
- Aap
- Tuniniaasutsinni
- Aap
- Nittartakkakkut
- Aap
- Allaffitsinni
- Aap
-
Qaammammut korti nutaaq
- Bussini
- Naamik
- Tuniniaasutsinni
- Naamik
- Nittartakkakkut
- Naamik
- Allaffitsinni
- Tassani kisimi
-
Qaammammut kortimik piseqqinneq
- Bussini
- Naamik
- Tuniniaasutsinni
- Aap
- Nittartakkakkut
- Aap
- Allaffitsinni
- Aap
Qaammammut korti nutaaq assitaqassaaq, allaffitsinnilu Industrivej 10-12-imi kisimi sananeqartarpoq. Plastkorti klippekortinut atugassiaq tuniniaasutsinni pisiarineqarsinnaavoq.
Tuniniaasarfiit
Klippekortinik pisigit, killortakkanillu qaammammulluunniit kortimik immersigit. Qaammammut kortit nutaat allaffitsinni kisimi pilersinneqartarput.
-
Pisiffik
Qinngorput
-
Pisiffik
Nuuk Center
-
Pisiffik
Nuussuaq
-
Brugseni
Nuuk
-
Brugseni Natalie
Nuussuaq
-
Nuup Bussii A/S
Industrivej 10-12
Qaammammut kortit nutaat maani kisimi pilersinneqartarput
Internettikkut pisigit
Sullitatta qaqugukkulluunniit killortakkanik qaammammulluunniit kortinik pisisinnaanissaat isumagigatsigu, piffissaq iluarinerpaasanni nittartakkakkut maanna pisisinnaanngorlutit. Nittartakkakkut plastkortinnut bilitsimik ataasiakkaamik aamma pisisinnaavutit.
Nittartakkakkut klippekortimik qaammammulluunniit kortimik nutaamik pisisinnaanngilatit, pioreersulli taamaallaat immeqqissinnaallugit.
Aningaaseriviit pisinerit uppernarsaqqullugu piumasinnaavaatit, soorlu SMS-ikkut kodemik imaluunniit aningaaseriviup app-iatigut.
Qanorpiaq iliussanerlutit nalornivit? Taava ilitsersuutit takukkitAttartortitsilluni angallassineq
Aquttoqareerluni bussimik attartorit. Illoqarfimmut bussit 74–88 tungaanut ilaasunik ilaasoqarsinnaapput.