FAQ ajoqummillu nalunaarut
Buskortit, killortakkat qaammammullu kortit pillugit apeqqutinut akulikitsunut akissutit.
Ajoqummik nalunaarut
Bussinut kortit ajoquteqarpat nalunaarutigisinnaavat. Ulluni suliffiusuni nal. 8:00–16:00 iluani periarfissami siullermi akissavatsigit.
Nalunaarutinni ukua eqqaamassavat ilanngunnissai:
- Atit
- Kortivit normua (stregkode ataaniittut)
- Email adressit
- Oqarasuaat
- Korti sorliunersoq
- Ajoqutaasumut nassuiaatit
Aamma tikilluaqqusaavutit allaffitsinnut saaffiginnissallutit, tassanilu ikiortillutit.
Kortit annaavit?
- Kortit nalunaarsorsimappat nittartakkami atorunnaarsiguk, allanit atorneqarsinnaajunnaarsillugu. Aamma sianerfigisinnaavatsigut.
- Plastikkortimik nutaamik allaffitsinni pissarsigit. Plastikkorti nutaaq kr. 50-nik akeqarpoq.
- Kortip normui 11-t ilisimaguit, kortip pisoqaap imarisai kortimut nutaamut nuussavagut.
Apeqqutit akulikitsut
Sumi plastikkorti pisiarisinnaavara?
Tuniniaasutsinni allaffitsinnilu:
- Pisiffik, Qinngorput
- Pisiffik, Nuuk Center
- Pisiffik, Nuussuaq
- Brugseni, Nuuk
- Brugseni Natalie, Nuussuaq
- Nuup Bussii A/S, Industrivej 10-12
Qanoq plastikkorti immersinnaavara?
Plastikkorti tuniniaasutsinni, nittartakkakkut allaffitsinnilu immersinnaavat.
Bussini aningaasanik (kortimiunngitsoq) akiliillutit plastikkorti klippekortimik immersinnaavat, kisianni bussini klippekortimik nutaamik qaammammulluunniit kortimik pisisinnaanngilatit.
PisigitBussini suut pisiarineqarsinnaappat?
Bussini bilitsimik aningaasanik (kortimiunngitsoq) akiliillutit pisisinnaavutit kiisalu plastkortit klippekortimik immersoqqinnissaanut periarfissaqarlutit.
Bussini klippekortimik nutaamik pisisinnaanngilatit.
Bussini qaammammut kortimik nutaamik pisisinnaanngilatit, aammalu qaammammut kortiutit bussini immersoqqissinnaanngilat.
Plastikkorti ataatsimi arlalinnik peqarsinnaavunga?
Aap, ilanngartakkat assigiinngitsut aammalu qaammammut kortit plastikkorti ataatsimiitinneqarsinnaapput.
Aquttumullu bussini scanneritinnak korti sorleq atussanerlugu oqaatigeqqaalaarniariuk.
Bussini kortimik akiliummik akiliisinnaavunga?
Naamik, bussini taamaallaat aningaasat akiliutigineqarsinnaapput.
Bussini qaammammut kortimik pisisinnaavunga?
Naamik.
Siullerpaamik qaammammut kortimik pisileruit allaffitsinni pisissaatit, taassumap kingorna atorfissaqartilerukku nittartakkakkut tuniniaasutsinniluunniit piseqqissinnaavutit.
Sumi suna pisiarineqarsinnaanersoq takuukPlastikkorti assitaqassava?
Qaammammut kortiuppat assitaqassaaq.
Plastikkorti annaavara, qanoq iliussaanga?
Nittartakkatsinni attavigalutaluunniit kortit atorunnaarsissavat. Taassumap kingorna kortimik nutaamik ikiussavatsigit.
Kortit annaagukku iliuusissatQanoq isillunga korti nalunaarsorsinnaavara?
Sullitagut tamaasa siunnersortarpagut nittartakkatsinni korti nalunaarsornissaanut.
Korti nalunaarsorukPlastik korti qanoqarpa?
kr. 50
Soraarnerussutisiaqalersunut plastikkortimik anillatsitsineq akeqanngilaq.
Qaammammut korti qanoq sivisutigisumik atuuffeqarpa?
Qaammammut korti ullut 30-t atuuffeqarpoq.
Qanoq killortakkamma sinneri qassiunersut takusinnaavara?
Bussini kortit scannerukku sinneruttut takusinnaavatit.
Qaqugukkulluunniitaaq nittartakkakkut takusuaannarsinnaavatit.
Korti takujukNittartakkakkut qaammammut kortimik piseqqammerpunga, qaqugumiit atuutilissava?
Qaammammut kortiuteqanngikkuit siullermeerlutit bussini atorukku atuutilissaaq.
Qaammammut kortiuteqareeruit atorunnaarpat nutaaq pisiareqqammikkat atuutilerumaarpoq.
Plastikkortimik nutaamik pissarsivunga – taava massakkut?
Tuniniaasutsinni nittartakkakkulluunniit klippekortimik immersinnaavat, piffissami iluarisanni.
Korti qaammammut kortitut atorneqaruni nammineq pigineqartunngortinneqassaaq assitalerlugulu atilerlugu, tamanna allaffitsinni suliarineqartarpoq. Taamaalereerpat qaammammut korti tuniniaasutsinni nittartakkakkulluunniit immersinnaavat.
PisigitSumi killortakkanik pisisinnaavunga?
Klippekorti nutaaq tuniniaasutsinni allaffitsinnilu pisiarineqarsinnaavoq.
Plastkortip klippekortimik immeqqinnera bussini, tuniniaasutsinni, nittartakkakkut kiisalu allaffitsinni pisinnaavoq.
Tuniniaasutta takukkitSumi qaammammut kortimik pisisinnaavunga?
Qaammammut korti nutaaq allaffitsinni pisiarineqassaaq assitalerlugu sananeqartussaammat.
Qaammammut kortimik piseqqinnissaq tuniniaasutsinni, nittartakkakkut allaffitsinnilu pisinnaavoq.
Sumi suna pisiarineqarsinnaanersoq takuukAkissuteqarsinnaanngippat?
Attavigitigut allaffiup ammasarfiani: ataas–tal nal. 10:00–12:00 aamma nal. 13:00–15:30.