Skip to content

Covid-19 nalaani busserneq

Nuup Bussii A/S-miit nakorsaaneqarfimmiit siunnersuinerit peqqinnissamut tunngasut malinneqarnissaat sullitatsinnut tamanut kaammattuutigineqarpoq, ukuusut:

  • Assatit akulikitsumik errortortakkit assanullu spriti atortaruk
  • Kakkissarfimmut talinnulluunniit quersortarit tangajortarilluunniit – assannuunngitsoq
  • Qisernaveersaarit. Allanik tunillaanermik peqqutaasinnaavoq
  • Assamminnerit, ulussakkut kuninnerit pakkunnerillu pinaveersaakkit – timikkut allap attornissaa killeqartiguk
  • Eqqiluisaarneq silaannarissartarnerlu eqqumaffigikkit – angerlarsimaffimmi aammali suliffimmi
  • Napparsimanermut ersiuteqaruit angerlarsimaannarit
  • Allanut qanillinaveersaarit

Taamaammat sullitagut qinnuigaagut:

  1. Inooqataasutut pisussaanermik misigisimanissamut – sulisitsisutut sulisutullu (bussini ilaasartuusut aamma) suliartortarnerit soraartarnerillu siusinnerusumut kingusinnerusumulluunniit nikisillugit taamaasillunilu ullaakkut ualikkullu piffissat ulapiffiit pinaveersaartikkumallugit.
  2. Utoqqalinersiallit ilaqutariillu meerallit barnevognillillu inooqataasutut pisussaanermik misigisimanissaat piffissat ulapiffiusut (nal. 07:00-09:00 kiisalu nal. 15:30-17:30) avataanni bussernissamut. Taamaasilluni bussini ilaasut allat (soorlu suliartortut) inissaqalerniassammata.

Nuup Bussii A/S sapaatip akunnerata ingerlanerani bussini ilaasut ineriartornerat malinnaaffigissavaa X-bussinillu angalatitsinissamut piareersimalluni bussini ikinngitsoortut sivikinnermik utaqqinissaat anguniarlugu. 2020-mi aasaanerani bussit angalanerini akunnerni 10,6%-imik amerlanerupput aasaanerani 2019-imut naleqqiullugu – tamannalu Rute X1 aammalu Rute X2-nik angalatitsinermit aallaaveqarpoq.

Nuup Bussii A/S sullitat inooqataasutut pisussaanermik misigisimanissaat neriuutigaa naliginnaasumik bussertarnerit allannguiffiginerani taamaasillunimi sullitanut amerlanerpaanut corona virusip pianik killilersuinerit millisarniarneqassammat.

Bussinik angalanermi killilersuiffiugaluartoq tamassi aasarsiorluarnissassinnik kissaallusi.

Killilersuinerit maleruagassallu uani malinnaaffigikkit.

Killilersuigallarnerit inerteqquteqartitsinerillu pillugit nalunaarut uani atuaruk.

Angallassinerit uani takujuk.