Aaqqissuussimaneq
Siulersuisut
Nuup Bussii A/S-imi siulersuisuni ilaasortat tamarmik Juulip 4-iani 2023 skrivebordsgeneralforsamlingimi ilaasortanngorput.
Siulersuisuni siulittaasoq: Christine Tønnesen
Atorfik: Aqqut-mi pisortaq
Ilinniakkat: Styring og Ledelse-mi Cand. Merc.
Christine januarip aallaqqaataanni 2018-mili Aqqut-mi pisortatut sulisimavoq. Ilinniareernermi kingorna allaffimmi pisortatut, sulisoqarnermi pisortatut, sullissanut pisortatut Aqqut-milu pisortatut sulisimavoq. Taakku saniatigut Nuuk Harbour pilersinneqarneranilli siulersuisuini ilaasortaasimavoq, taamaasilluni Kalaallit Nunaanni umiarsualiviit niuernermut atasut siulliup ineriartortinneqarneranut peqataasimalluni. Minnerunngitsumik Ålborgimi Kalaallit Illuata siulersuisuini ilaasortaavoq, Pisortat Pisiortortarneranni Neqerooruteqartitsinermi Maalaaruteqartarfiata aaliangiisarfiani ilaasortaavoq kiisalu Imigassaq Ikiaroornartullu pillugit Siunnersuisoqatigiinni ilaasortaalluni.
Siulersuisuni ilaasortaq: Arnannguaq Gerstrøm
Atorfik: INUNA podcastimi suliniummik aqutsisoq namminersortutullu erinniortoq
Ilinniakkat: Kandidat aamma Master of Fine Arts (MFA) fra Lunds Universitet, Sverige aamma Royal Northern College of Music, UK.
Arnannguaq Gerstrøm (i. 1977) INUNA-mi pilersitseqataasutut suliniumilu aqutsisutut sulivoq. INUNA podcastiuvoq oqaatsigut atorlugit aallakaatittagaq Danmark-imi suliarineqarlunilu aningaasaliivigineqartoq.
1999-milli Usisaammi siulersuisuni ilaasortaasimavoq, 2014-miillu 2021 tungaanut suliffeqarfimmi pisortaasimalluni.
Angallassinerup iluani sulilinnginnermini Arnannguaq Musikskolen-imi aqutsisup tullersortaasimavoq Kommuneqarfik Sermersuullu Orkesterskolen-iani pisortaasimalluni. Nipilersornermi erinniortutut, fløjt-ersortutut dirigent-itullu aamma misilittagaqarpoq.
Copenhagen Business School-imi akademimerkonomuddanne-mi ilinniarsimavoq kiisalu Erhvervsakademi Sydvest-imi aamma ilinniagaqarsimalluni.
Siulersuisuni arlalinni ilaasortaasimavoq, ilaatigut Brancheudvalget for Transport og Service i Grønlands Erhverv-mi siulersuisutut.
Siulersuisuni ilaasortaq: Christian Roslev
Atorfik: Genitor-imi piginneqataasoq
Ilinniagaq: Aarhus Universitet-imiit Cand. Scient. Pol. (1993).
Christian Roslev suliffeqarfik Genitor-imi piginneqataavoq. Genitor siunnersuisartuupput. 2016-miit 2023 tungaanut Aalborg Kommune-mi kommunaldirektøriusimavoq. Christian Roslev ukiorpassuarni pisortat siulersuisuni ilaasortatut misilittagaqarpoq. 2006-miit 2011 tungaanut Nordjyllands Trafikselskab-imi pisortaasimavoq. Tassungattaaq ilaavoq Kommunit Naalagaaffiillu suleqatigiinnerasa iluani misilittagaqarluarneq.
Siulersuisuni ilaasortaq: Aviâja Lyberth Lennert
Atorfik: Pisortaanerup tullia, Royal Arctic Line
Ilinniakkat: Diploma of Arts, University of Queensland, Brisbane, Australien.
Aviâja siulersuisuni ilaasortatut misilittagaqarluarpoq, ilaatigut Kalaallit Airports, Sermitsiaq.AG, Greenland Holdings, INI A/S-illu siulersuisuini, kiisalu Kalaallit Nunaanni Naligiissitaanissamut Siunnersuisoqatigiinni siulittaasutut.
Sulisunut sinniisoq: Samuel Reimer
Atorfik: Nuup Bussii A/S-imi aquttoq
Ilinniagaq: Portøri
Samuel Nuup Bussii A/S-imi 2013-mili sulisuuvoq. Samuel sulinini Nuummi Brugsenimi poortuisutut aallarnersimavaa, kingornalu misilittakkani annertusiartuaartissimallugit. Ilaatigut Dronning Ingrid napparsimaviani, isertitsivimmi Ippiarsummilu. Samuel taamaasilluni ukiut 25-it sinnerlugit sullissinerup iluani misilittagaqarpoq. Samuel suliffeqarfigisamini pitsanngorsaaqataanissani anguniagaralugulu kissaatigisuuaa.
Siulersuisut forretningsorden-iat
Una tooruk siulersuisut forretningsorden-iat takuniarukku (malugiuk qallunaatut allaqqammat).
Sulisut
Pisortaq: Niels Chemnitz Frederiksen
Ilinniakkat: AFIS operatør, Flight Operation Officer
Niels Air Greenland-imi ukiorpassuarni ilaasunik angallassinerup iluani misilittagaqarpoq. Operations iluani aqutsisuunermini unamminartut periarfissallu pillugit paasisimasaqarluarpoq. Trafikdisponent-imiit immikkoortortaqarfimmi aqutsisutut tunuliaqutaqarnermini pisinnaasat arlalippassuupput, maanna Nuup Bussiinut nassatarisani.
Niels-ip suleqatigiit pikkoriffeqarluartut atugarissaartullu pilersinnissaanut ukkatarineri aqutseriaasaani pingaaruteqartuupput. Sulisut naammagisinaarinnittut piginnaasaqaqarluartullu suliffeqarfiup angusarissaarluarnissaanut aqqutaammata. Sulisut ineriartornissaata pingaartinnerani suliffeqarfik sulikkuminartoq suleqatigiinnermik pilersitsisoq pilersinneqassaaq.
Nuup Bussiini Niels siuttuliullugu suliffeqarfiup suleqatigiilluarneq ataatsimullu anguniagalik naatsorsuutigisinnaavaa.
Ileqqoreqqusat
Una tooruk Nuup Bussii A/S ileqqoreqqusai takuniarukkit (malugiuk qallunaatut allaqqammata).