Skip to content

Kortit assigiinngitsut

Korti sungaartoq

Korti sungaartoq 16-nik ukiulinniit atorneqarsinnaavoq.

Korti: ilanngartakkatut, qaammammut kortitut aammalu kortimi ataatsimi ilanngartakkatut qaammammut kortitut immerlugu atorneqarsinnaavoq.

Korti killortakkatut atorneqaruni assitaqartariaqanngilaq.
Korti qaammammut kortitut atorneqaruni nammineq pigineqartunngortinneqassaaq assitalerlugulu atilerlugu, tamanna allaffitsinni suliarineqartarpoq.

Qaqugukkulluunniit nittartakkakkut killortakkanik pisisinnaavutit qaammammullu kortivit atuunnera sivitsorlugu. Uani ilitsersuutit takusinnaavatit. Taassuma saniatigut aamma tuniniaasutsinni pisisinnaavutit.

Kortit annaassagaluarukku taarserneqarsinnaavoq imarisai ilanngullugit kortimut nutaamut nuunneqarsinnaammata, taamaaliortoqassappalli kortip normui ilisimasariaqarpatit (kortimi normut kisitsisit 11-iupput).

Korti tungujortoq

Korti tungujortoq meeqqat atuarfianni 8. 9. aamma 10. klasse-ni atuartunit atorneqarsinnaavoq.

Korti tungujortoq nammineq pigineqartunngortinneqassaaq assitalerlugu atitalerlugulu. Kortit allaffitsinni kisimi sananeqartarput.

Korti atulersinneqartut ukioq ataasiakaarlutik atuuttarput, kortillu tamarmik aasaanerani atuanngiffik aallartikkaangat atorunnaarsinneqarlutik. 8. aamma 9. klassit kortii atualerfimmi ukiumi nutaami aallartittumi atuutsileqqinneqartarput, tamatumuuna 9. aamma 10. klassitut inissinneqarlutik.

Korti tungujortoq killortakkamik ilaneqarsinnaavoq. Tamanna nittartakkakkut tuniniaasutsinniluunniit pisinnaavoq.

Atuartunut korti pillugu uani paasisaqarnerugit.