Skip to content

Bilitsit kortillu

Akit

01/03-2024-imiit atuuttut:

•   Bilitsi kr. 20,- 

•   Klippekorti kr. 160,- (angalanernut 10-nut)

•   Qaammammut korti kr. 580,- (ullut 30-it)

•   Plastikkorti, klippekortinut qaammammullu kortinut atugassaq kr. 50,-

Akigititanut uku ilaanngillat:

  1. Kommuneqarfik Sermersuumi najugalinnut meeqqat atuarfianni atuartut, tassunga piumasaqaataatit uani takukkit:  https://bus.gl/wp-content/uploads/2023/04/Gratis-bus-til-born-og-pensionister-kopi-med-fremhaevet-tekst.pdf
  2. Utoqqalinersiallit, tassani siusinaartumik soraarnerussutisiallit atorfilittullu soraarnerussutisiallit Kommuneqarfik Sermersuumi najugallit, tassunga piumasaqaatit uani takukkit: https://bus.gl/wp-content/uploads/2023/04/Gratis-bus-til-born-og-pensionister-kopi-med-fremhaevet-tekst.pdf

Piumasaqaatit inatsisillu allat uani takukkit: https://bus.gl/kl/sullissineq/malittarisassat/ 

Meeqqat pensionisiallillu

Meeqqat 15-nik ukiullit ilanngullugit bussinut akeqanngitsumik ilaasinnaapput. Meeqqat atuarfianni atuartut atuartunut korti atussavaat.

Pensionisiallit – siusinaartumik soraarnerussutisiallit atorfilittullu soraarnerussutisiallit ilanngullugit akeqanngitsumik bussersinnaapput. Pensionisialinnut kortitik takutiinnartassavaat.
Akeqanngitsumik aaqqiissut Kommuneqarfik Sermersuumi soraarnerussutisialinnut bussinut soraarnerussutisiaqarnermut kortimik tunisissimasunutatuuppoq.  

Una toorlugu akeqanngitsumik bussernes pillugu piumasaqaatit tamaasa atuarsinnaavatit.

Bilitsit

Bilitsit bussini aningaasanik (kortimiunngitsoq) akiliilluni pisiarineqarsinnaapput. Bilitsit tuniniaasutsinni, nittartakkakkut allaffitsinnilunniit pisiarineqarsinnaanngillat.

Bilitsi akunneq ataatsimik atuuffeqarpoq piffissarlu atorunnaarunnaarfissaq bilitsimi naqinneqarluni sananeqartarpoq.

Bilitsit ataasiakkaat

Bilitsit ataasiakkaat tuniniaasutsinni nittartakkakkullu plastkortinnut pisiarineqarsinnaapput.

Bilitsi ataasiakkaartoq bussini kortip scannereerneranit akunneq ataaseq atuuffeqarpoq.

Bilitsi ataasiakkaaq plastkortip bussini scannerneratigut atorsinnaavoq. Plastkortinni arlalinnik tunisassiaateqaruit, assersuutigalugu klippekorteqarpat, korti scannertinnagu aquttoq nalunaarfigiuk sorleq atorusunnerlugu.

Bilitsi ataasiakkaartoq allanut akiliutigissallugu atorneqarsinnaanngilaq.

Plastkorti

Plastkorti klippekortinut qaammammullu kortinut atugassiaavoq.

Plastkorti klippekortinut atugassiaq tuniniaasutsinni pisiarineqarsinnaavoq.

Plastkorti qaammammut kortimut atugassiaq allaffitsinni siullermeerluni sananeqassaaq assitalerlugu suliarineqassagami.

Sullitagut tamaasa innersuuppagut plastkortertik nittartakkakkut nalunaarsoqqullugit. Ilitsersuut uani takujuk.

Klippekorti

Plastkorti klippekortimik immersorneqarsinnaavoq angalanernullu 10-nut atuuttussanngorlugu sananeqartarluni.

Killuineq ataaseq akunneq ataatsimik atuuffeqarpoq, bussinilu scan-erinermi piffissaq atorunnaarfissaa kiisalu killuinerit qassit sinnerunnersut takuneqarsinnaallutik.

Klippekorti nutaaq tuniniaasutsinni allaffitsinnilu pisiarineqarsinnaavoq.

Plastkortip klippekortimik immeqqinnera bussini, tuniniaasutsinni, nittartakkakkut kiisalu allaffitsinni pisinnaavoq.

Qaammammut korti

Plastkorti qaammammut kortimik immersorneqarsinnaavoq. Qaammammut korti ullunik 30-nik atuuffeqarpoq, bussinilu scan-erinermi ulloq atorunnaarfissaq takuneqarsinnaalluni

Qaammammut korti nutaaq allaffitsinni pisiarineqassaaq assitalerlugu sananeqartussaammat.

Qaammammut kortimik piseqqinnissaq tuniniaasutsinni, nittartakkakkut allaffitsinnilu pisinnaavoq. Malugiuk bussini qaammammut kortimik pisisoqarsinnaanngimmat.

Qaammammut korti piginnittumut kisimi atuuppoq bussinullu ikinermi scan-nerneqassalluni/takutinneqassalluni. Qaammammut korti Nuummi illoqarfiup bussiinut killilersugaanngitsumik angalassutigineqarsinnaavoq.

Kortit assigiinngitsut

Uani kortit assigiinngitsut pillugit paasisaqarnerugit.

Bussini

Bussini bilitsimik aningaasanik (kortimiunngitsoq) akiliillutit pisisinnaavutit kiisalu plastkortit klippekortimik immersoqqinnissaanut periarfissaqarlutit.

Bussini klippekortimik nutaamik pisisinnaanngilatit.

Bussini qaammammut kortimik pisisinnaanngilatit.

Tuniniaasuni

Tuniniaasutsinni klippekortimik nutaamik pisisinnaavutit, kiisalu plastkortit klippekortimik immeqqissinnaallugu.

Tuniniaasutsinni qaammammut kortiutit immersoqqissinnaavat aamma.

Tuniniaasutsinni qaammammut kortimik nutaamik pisisinnaanngilatit qaammammut korti nutaaq allaffitsinni assitalerlugu pilersinneqartussaammat.

Tuniniaasutsinni plastkortinnut bilitsimik ataasiakkaamik aamma pisisinnaavutit.

Nittartakkakkut

Plastkortit nittartakkakkut klippekortimik qaammammullu kortimik immersoqqissinnaavat.

Nittartakkakkut klippekortimik qaammammulluunniit kortimik nutaamik pisisinnaanngilatit, pioreersulli taamaallaat immeqqissinnaallugit.

Nittartakkakkut plastkortinnut bilitsimik ataasiakkaamik aamma pisisinnaavutit.

Una toorlugu nittartakkakkut pisigit.

Allaffitsinni

Allaffitsinni klippekortimik nutaamik pisisinnaavutit, klippekortillu immersoqqissinnaallugu.

Allaffitsinni kisertaalluta qaammammut kortit nutaat pilersittarpagut, taamaammat qaammammut kortimik nutaamik pisissaguit allaffipput aqqusaassavat. Tassunga peqqutaavoq qaammammut korti assitalerlugu sananeqartussaammat allaffippullu kisimi taamaaliorsinnaammat. Allaffitsinni qaammammut kortit immersoqqissinnaavat aamma.

Bilitsimik allaffitsinni pisisinnaanngilatit.

Angallassinermut malittarisassat

Bilitsit kortillu ilaanerup nalaani paarineqassapput, takujumaneqarpatalu takutinneqassallutik.

Uani angallassinermut malittarisassagut atuarsinnaavatit.