Akit

1. August 2018-imiit atuuttut:

•   Bilitsi, inersimasunut kr. 16,- (12-niit ukiulinniit)

•   Bilitsi, utoqqaliernissialinnut kr. 16,-

•   Bilitsi, meeqqanut kr. 6,- (4-niit 11-nut ukiulinnut)

•   Klippekorti, inersimasunut kr. 121,- (angalanernut 11-nut)

•   Klippekorti, utoqqalinersialinnut kr. 121,- (angalanernut 11-nut)

•   Klippekorti, meeqqanut kr. 51,- (angalanernut 11-nut)

•   Qaammammut korti, inersimasunut kr. 503,- (ullut 30-it)

•   Qaammammut korti, meeqqanut kr. 252,- (ullut 30-it)

•   Qaammammut korti pensionistinut kr. 252,- (ullut 30-it)
Malugiuk: Pensionistinut qaammamut kortit kisimik akikillisaatitaqarmata.

Bilitsit

Bilitsit bussini aningaasanik (kortimiunngitsoq) akiliilluni pisiarineqarsinnaapput. Bilitsit tuniniaasutsinni, nittartakkakkut allaffitsinnilunniit pisiarineqarsinnaanngillat.

Bilitsi akunnerup ataatsip affaanillu atuuffeqarpoq piffissarlu atorunnaarunnaarfissaq bilitsimi naqinneqarluni sananeqartarpoq.

Bilitsit assigiinngitsut marluk tunisassiaragut: meeqqanut bilitsi inersimasunullu bilitsi.
Meeqqanut bilitsi meeqqanit sisamanit ukiulinnit aqqanilinnik ukiullit ilanngullugit atugassiaavoq. Meeqqanut bilitsittaaq aneerussivinnut akiliutigalugu atorneqartarpoq.
Inersimasunut bilitsi inunnut 12 ukiulinnit qummut atugassiaavoq.

Plastkorti

Plastkorti klippekortinut qaammammullu kortinut atugassiaavoq.

Plastkorti klippekortinut atugassiaq tuniniaasutsinni pisiarineqarsinnaavoq.

Plastkorti qaammammut kortimut atugassiaq allaffitsinni siullermeerluni sananeqassaaq assitalerlugu suliarineqassagami.

Sullitagut tamaasa innersuuppagut plastkortertik nittartakkakkut nalunaarsoqqullugit. Ilitsersuut uani takujuk.

Klippekorti

Plastkorti klippekortimik immersorneqarsinnaavoq angalanernullu 11-nut atuuttussanngorlugu sananeqartarluni.

Klippekorti meeqqanut inersimasunullu sananeqartarpoq.

Killuineq ataaseq akunnerup ataatsip affaanillu atuuffeqarpoq, bussinilu scan-erinermi piffissaq atorunnaarfissaa kiisalu killuinerit qassit sinnerunnersut takuneqarsinnaallutik.

Klippekorti nutaaq tuniniaasutsinni allaffitsinnilu pisiarineqarsinnaavoq.

Plastkortip klippekortimik immeqqinnera bussini, tuniniaasutsinni, nittartakkakkut kiisalu allaffitsinni pisinnaavoq.

Qaammammut korti

Plastkorti qaammammut kortimik immersorneqarsinnaavoq. Qaammammut korti ullunik 30-nik atuuffeqarpoq, bussinilu scan-erinermi ulloq atorunnaarfissaq takuneqarsinnaalluni.

Qaammammut korti meeqqanut inersimasunullu sananeqartarpoq, pensionistillu qaammammut kortimik pisinermi akikilliliiffigineqartarput.

Qaammammut korti nutaaq allaffitsinni pisiarineqassaaq assitalerlugu sananeqartussaammat.

Qaammammut kortimik piseqqinnissaq tuniniaasutsinni, nittartakkakkut allaffitsinnilu pisinnaavoq. Malugiuk bussini qaammammut kortimik pisisoqarsinnaanngimmat.

Qaammammut korti piginnittumut kisimi atuuppoq bussinullu ikinermi scan-nerneqassalluni/takutinneqassalluni. Qaammammut korti Nuummi illoqarfiup bussiinut killilersugaanngitsumik angalassutigineqarsinnaavoq.

Utoqqalinersiutillit kortiat

Utoqqalinersiutilinnut korti utoqqalinersiuteqarluni uppernasaammik Kommuneqarfik Sermersuumeersumit takutitsinikkut pisiarineqarsinnaavoq.

Utoqqalinersiutillit kortiat nittartakkakkut, allaffitsinni tuniniaasutsinnilu immersorneqarsinnaavoq.

Utoqqalinersiutillit kortiat Nuummi illoqarfiup bussiinut killilersugaanngitsumik angalassutigineqarsinnaavoq.

Kortit assigiinngitsut

Uani kortit assigiinngitsut pillugit paasisaqarnerugit.

Bussini

Bussini bilitsimik aningaasanik (kortimiunngitsoq) akiliillutit pisisinnaavutit kiisalu plastkortit klippekortimik immersoqqinnissaanut periarfissaqarlutit.

Bussini klippekortimik nutaamik pisisinnaanngilatit.

Bussini qaammammut kortimik pisisinnaanngilatit.

Tuniniaasuni

Tuniniaasutsinni klippekortimik nutaamik pisisinnaavutit, kiisalu plastkortit klippekortimik immeqqissinnaallugu.

Tuniniaasutsinni qaammammut kortiutit immersoqqissinnaavat aamma.

Tuniniaasutsinni qaammammut kortimik nutaamik pisisinnaanngilatit qaammammut korti nutaaq allaffitsinni assitalerlugu pilersinneqartussaammat.

Tuniniaasutsinni bilitsimik pisisinnaanngilatit.

Nittartakkakkut

Plastkortit nittartakkakkut klippekortimik qaammammullu kortimik immersoqqissinnaavat.

Nittartakkakkut klippekortimik qaammammulluunniit kortimik nutaamik pisisinnaanngilatit, pioreersulli taamaallaat immeqqissinnaallugit.

Nittartakkakkut bilitsimik pisisinnaanngilatit.

Allaffitsinni

Allaffitsinni klippekortimik nutaamik pisisinnaavutit, klippekortillu immersoqqissinnaallugu.

Allaffitsinni kisertaalluta qaammammut kortit nutaat pilersittarpagut, taamaammat qaammammut kortimik nutaamik pisissaguit allaffipput aqqusaassavat. Tassunga peqqutaavoq qaammammut korti assitalerlugu sananeqartussaammat allaffippullu kisimi taamaaliorsinnaammat. Allaffitsinni qaammammut kortit immersoqqissinnaavat aamma.

Bilitsimik allaffitsinni pisisinnaanngilatit.

Angallassinermut malittarisassat

Bilitsit kortillu ilaanerup nalaani paarineqassapput, takujumaneqarpatalu takutinneqassallutik.

Uani angallassinermut malittarisassagut atuarsinnaavatit.