Silarluk! Ullumi bussit angalanerlutik?

Maanna SMS Servicemut ilanngussinnaanngorputit periarfissarilerlugu bussitta angalanerat pillugu SMS-imik pisalernissannut. Silarlunnera pissutigalugu bussit  unissagaluarpata SMS-imik nassiussisarpugut, aammattaarlu aallaqqinnerit pillugit nassiussisarluta.

SMS Service Novembarip aallaqqaataaniit Apriilip 30-iata tungaanut pisarpoq.
Apriilip 30-iata kingorna normut ilanngunnikut peerneqartarput, ilannguteqqissinnaavutilli SMS Service aallarteqqippat suli SMS-inik pisarusukkuit.

Uani ilanngussinnaavutit normulluunniit peeqqillugu. Immersugassat immersukkit taava SMS Servicemut ilanngutissaatit.

Atit allalerukku Atit aamma Naggatit nalaani ateq ataasiinnaq allassavat, arlalinnilluunniit ateqaraluaruit. Ativit kingorna akunnilinnginnissaa aamma pingaaruteqarpoq.

Eqqaamallugu mobilivit normuata nalaani 299 ilanngunnissaa.
Assersuut: Mobilivit normua tassaavoq 123456, taava immersugassami “Mobilivit normua”-ta nalaani allassavat 299123456.

Malugiuk tuugassaq qorsuk tuussagakku ilanngukkusukkuit, tuugassarlu aappaluttoq tuussallugu normut peersinniarukku.

Atit

Naggatit

Mobilivit normua (299 aamma normu) - Immersorneqassaaq