Atuartut atuartunullu korti

Kiffartuussinissamut isumaqatigiissut

Nuup Bussii A/S aammalu Kommuneqarfik Sermersooq meeqqat atuarfianni atuartut pillugit kiffartuussinissamut isumaqatigiissuteqarput, meeqqat atuarfianni atuartunut friskolemilu atuartunuttaaq atuuttumik. Ukioq atuarfiusoq Aggustip 13-iani 2020 aallartissaaq Juunillu 18-iani 2021 tungaanut sivisussuseqarluni.

Isumaqatiiissut ukuninnga imaqarpoq:

  • Meeqqat atuarfianni atuartut annerit (8. 9. aamma 10. klassemi atuartut) atuartunut kortimik tunineqassapput bussini akeqanngitsumik bussernissamut atugassaq
  • Meeqqat atuarfianni atuartut annerit bussini nal. 7:00 kiisalu nal. 21:00 akornani ulluni atuarfiusuni atuartunut kortimik takutitsinermi akeqanngitsumik ilaasinnaapput. Atuartut nukarliit (1.- 7. klassemi atuartut) kortimik takutitsinatik akeqanngitsumik piffissami taaneqartumi ilaasinnaapput
  • Atuartunut korti nal. 21 kingorna, weekendini sapaassuarnilu atorneqarsinnaanngilaq. Piffissani tassani bilitsimik naliginnaasumik pisilluni bussinut ilaasoqarsinnaavoq
  • Ukua ullut nalliuttut sapaataanngitsut: Kunngit pingasut 6. Januar aammalu Namminersornerulernerup eqqunneqarfia, 1. Maj – ulluinnarniuppata meeqqat atuarfianni atuartut nal. 13 tungaanut akeqanngitsumik ilaasinnaapput
  • Atuanngiffinni atuartunut korti atorneqarsinnaanngilaq – Kommuneqarfik Sermersuup atuanngiffii malinneqarput

Nal. 7 siorna, nal. 21 kingorna, weekendini sapaatinilu Meeqqat bussinut akiliillutik ilaasinnaapput. Uani akit pillugit paasisaqarnerugit.

 

Korti tungujortoq

Korti tungujortoq meeqqat atuarfianni 8. 9. aamma 10. klasse-ni atuartunit atorneqarsinnaavoq.

Korti tungujortoq nammineq pigineqartunngortinneqassaaq atitalerlugu. Kortit allaffitsinni kisimi sananeqartarput.

Korti atulersinneqartut ukioq ataasiakaarlutik atuuttarput, kortillu tamarmik aasaanerani atuanngiffik aallartikkaangat atorunnaarsinneqarlutik. 8. aamma 9. klassit kortii atualerfimmi ukiumi nutaami aallartittumi atuutsileqqinneqartarput, tamatumuuna 9. aamma 10. klassitut inissinneqarlutik.

Korti tungujortoq inersimasunut killortakkamik ilaneqarsinnaavoq. Tamanna nittartakkakkut tuniniaasutsinniluunniit pisinnaavoq. Korti tammarneqarsimappat allaffitsinni nutaamik pisisoqarsinnaavoq, korti 30 koruuneqarpoq.