Siulersuisut

Nuup Bussii A/S-imi siulersuisuni ilaasortat tamarmik Maajip 11-iani 2018 generalforsamlingimi ilaasortanngorput.

Siulersuisuni siulittaasoq: Marie Fleischer

Atorfik: Mittarfeqarfinni pisortaq

Ukiut: 37

Ilinniakkat:

  • Ilisimatusarfimiit Cand. Scient. Adm.
  • Organisation-imi HD
  • Aalborg Universitetimiit MBA

Marie Fleischer (i.1980) Mittarfeqarfinni akisussaasutut inissisimavoq. 2009 aallarnerfigalugu pisortani namminersortunilu pisortatut atorfiit bestyrelsinilu sulinerit arlallit misilittagaqarfigivai, tassani misilittagaqarfigilersimallugit suliffeqarfinnik ineriartortitsineq allannguinermillu aqutseriaatsit.

Marie cand.scient.adm -tut ilinniarsimavoq tamassumallu saniatigut ilinniagaralugit HD suliffeqarfimmut aqutsisutut taavalu Aalborg Universitet-minngaanniit MBA.

 

Siulersuisuni ilaasortaq: Christian Roslev

Atorfik: Aalborg Kommunemi Kommunaldirektøri

Ukiut: 50

Ilinniagaq: Aarhus Universitet-imiit Cand. Scient. Pol.

Christian Roslev Statens og Kommunernes Indkøb A/S-imi siulersuisuni tullersortaavoq Musikkens Hus-imilu siulersuisuni ilaasortaalluni. Christian Roslev ukiuni arlalippassuarni Nordjyllands Trafikselskab-imi pisortatut misilittagaqarpoq piffissamilu sivikinnerusumi Sydtrafik-imi, kiisalu siulersuisuni arlalinni ilaasortatut ilaasartaatini angalanerup iluani sammisalinni. Tassungattaaq ilaavoq Kommunit Naalagaaffiillu suleqatigiinnerasa iluani misilittagaqarluarneq.

 

Siulersuisuni ilaasortaq: Mads-Daniel Skifte

Atorfik: Visit Greenland A/S-imi souschef

Ukiut: 53

Ilinniagaq: Århus Universitetimit Social Antropolog-imi Bachelor

Mads-Daniel Kalaallit Nunaanni takornariaqarnerup iluani misilittagaqarluarpoq, 1999-miillu takornariaqarnerup iluani ineriartortitsinermut peqataalluni Maniitsoq Turismeselskab-imi pisortatut atorfeqarnermini,  Greenland Tourism-imi turismekoordinator-iunerimi, Grønlands Turist- og Erhvervsråd-imi ineriartortitsinermut siunnersiuinermullu ittuunermigut. 2011-imiilli Mads-Daniel Visit Greenland A/S-imi sulilerpoq seniorkonsulentitut souschef-itullu. 2008-miilli Mads-Daniel Tupilak Travel-imi siulersuisuni ilaasortaavoq, Hotel, Restaurat og Turisme iluani brancheudvalg-imi ilaasortaalluni kiisalu HORESTA/Grønlands Erhverv-imi hotelklassifikationsnævnet-mi ilaasortaalluni.

 

Siulersuisuni ilaasortaq: Tina Lynge Schmidt

Atorfik: Namminersortoq

Ukiut: 39

Ilinniakkat: Markedsføringsøkonom, administration-imi bachelor kiisalu Organisation og ledelse-mi HD

Tina namminersortutut siunnersiortiuvoq aaqqissuussimanerup pisortaasullu iluani ineriartortitsinermik suliaqarluni, teambuild-inngertitsinernik, aallarniisunik ikiuisuulluni, pikkorissartitsilluni namminersortuni pisortanilu assigiimmik. Tina atorfeqarnermi ingerlanerani atorfinnik assigiinngitsunik atorfeqarsimavoq, atorfiillu ataatsimut assigiissutigaat inuit pillugit suleqatigalugillu atorfiummata. Tina Unammilleqatigiinnermi aalajangiisartuni ilaasortaavoq, namminerlu piumassutsini atorlugu aamma siunnersuisuni arlalinnik ilaasortaasimalluni.

 

Sulisunut sinniisoq: Svend Berthelsen

Atorfik: Nuup Bussii A/S-imi aquttoq

Ukiut: 63

Ilinniagaq: Saffiooq aamma maskiinalerivimmi sulisutut ilinniagalik

Svend atorfinnik assigiinngitsunik misilittagaqarfeqarpoq, assersuutigalugu anstaltsbetjenti, mittarfimmi terminalarbejderi kingullertigullu bussini aquttutut. Svend Nuup Bussii A/S-imi siulersuisunut sulisunut sinniisutut qinigaavoq. Svend Nuup Bussii A/S iluani ataatsimiititaliat arlallittaaq ilaasortaaffigisimavai, kiisalu Nuup Bussii A/S-imi sinniisiunikuulluni. Svend siornatigut Nuup Bussii A/S-imi siulersuisuni ilaasortaareernikuuvoq, kiisalu Nuup Bussii A/S-imi ukiuni 20-ni sulisimalluni ukioq manna nalliuttorsiorluni.

 

Siulersuisut forretningsorden-iat

Una tooruk siulersuisut forretningsorden-iat takuniarukku (malugiuk qallunaatut allaqqammat).

 

Sulisut

Pisortaq Mogens Nathansen

Atorfik: Nuup Bussii A/S-imi pisortaq

Ukiut: 55

Ilinniagaq: Regnskabsvæsen & Økonomistyring-imi Cand. Merc. I, Handelshøjskolen Århus-imiit

Mogens Mittarfeqarfinni aqutsisuni Økonomichef-itut ukiut qulit sinnerlugit atorfeqarsimavoq, taassumalu saniatigut 1999-mili siulersuisuni arlalippassuarniissimalluni assersuutigalugu ukunani: Nuka A/S, Greenland Ressources A/S, Greenland Venture A/S aamma Inuit Service Company A/S. Mogens 2001-imili kajumissutsiminik  aaqqissuussimanerni assigiinngitsuni suleqataavortaaq aamma, siulersuisuni ilaasortatut kajumissutsiminik peqataasutulluunniit.

 

Ileqqoreqqusat

Una tooruk Nuup Bussii A/S ileqqoreqqusai takuniarukkit (malugiuk qallunaatut allaqqammata).