Korti sungaartoq

Korti sungaartoq tamanit 12-nik ukiulinniit atorneqarsinnaavoq.

Korti: inersimasunut killortakkatut, inersimasunut qaammammut kortitut, kortimi ataatsimi inersimasunut killortagalittut inersimasunullu qaammammut kortitalittut kiisalu soraarnernut kortitut atorneqarsinnaavoq.

Korti killortakkatut atorneqaruni assitaqartariaqanngilaq.
Korti qaammammut kortitut atorneqaruni nammineq pigineqartunngortinneqassaaq assitalerlugulu atilerlugu, tamanna allaffitsinni suliarineqartarpoq.
Korti soraarnernut kortitut atorneqaruni nammineq pigineqartunngortinneqassaaq assitalerlugulu atilerlugu, tassunga soraarnerit kortiat uppernarsaatitut piumasarineqartarpoq.

Qaqugukkulluunniit nittartakkakkut killortakkanik pisisinnaavutit qaammammullu kortivit atuunnera sivitsorlugu. Uani ilitsersuutit takusinnaavatit. Taassuma saniatigut aamma tuniniaasutsinni pisisinnaavutit.

Kortit annaassagaluarukku taarserneqarsinnaavoq imarisai ilanngullugit kortimut nutaamut nuunneqarsinnaammata, taamaaliortoqassappalli kortip normui ilisimasariaqarpatit (kortimi normut kisitsisit 11-iupput).

Erseqqissaatigissavarput korti sungaartoq inersimasunut taamaallaat atorneqarsinnaammat, taamaammallu assersuutigalugu meeqqanut killortakkamik immerneqarsinnaanani. Meeqqanut killortagaq kissaatigineqarpat korti qorsuk tassunga atorneqassaaq.

Korti qorsuk

Korti qorsuk meeqqanit 4-niit 11-innut ukiulinnit barnevogninullu atorneqarsinnaavoq.

Korti: meeqqanut killortakkatut, meeqqanut qaammammut kortitut kortimi ataatsimi meeqqanut killortagalittut meeqqanullu qaammammut kortitalittut atorneqarsinnaavoq.

Korti killortakkatut atorneqaruni assitaqartariaqanngilaq.
Korti qaammammut kortitut atorneqaruni nammineq pigineqartunngortinneqassaaq assitalerlugulu atilerlugu, tamanna allaffitsinni suliarineqartarpoq.

Qaqugukkulluunniit nittartakkakkut killortakkanik pisisinnaavutit qaammammullu kortivit atuunnera sivitsorlugu. Uani ilitsersuutit takusinnaavatit. Taassuma saniatigut aamma tuniniaasutsinni pisisinnaavutit.

Kortit annaassagaluarukku taarserneqarsinnaavoq imarisai ilanngullugit kortimut nutaamut nuunneqarsinnaammata, taamaaliortoqassappalli kortip normui ilisimasariaqarpatit (kortimi normut kisitsisit 11-iupput).

Erseqqissaatigissavarput korti qorsuk meeqqanut taamaallaat atorneqarsinnaammat, taamaammallu assersuutigalugu inersimasunut killortakkamik immerneqarsinnaanani. Inersimasunut killortagaq kissaatigineqarpat korti sungaartoq tassunga atorneqassaaq.

Korti tungujortoq

Korti tungujortoq meeqqat atuarfianni 8. 9. aamma 10. klasse-ni atuartunit atorneqarsinnaavoq.

Korti tungujortoq nammineq pigineqartunngortinneqassaaq assitalerlugu atitalerlugulu. Kortit allaffitsinni kisimi sananeqartarput.

Korti atulersinneqartut ukioq ataasiakaarlutik atuuttarput, kortillu tamarmik aasaanerani atuanngiffik aallartikkaangat atorunnaarsinneqarlutik. 8. aamma 9. klassit kortii atualerfimmi ukiumi nutaami aallartittumi atuutsileqqinneqartarput, tamatumuuna 9. aamma 10. klassitut inissinneqarlutik.

Korti tungujortoq inersimasunut killortakkamik ilaneqarsinnaavoq. Tamanna nittartakkakkut tuniniaasutsinniluunniit pisinnaavoq.

Atuartunut korti pillugu uani paasisaqarnerugit.